Атырауда бір тәулікте 86 адамнан коронавирус табылған

АТЫРАУ. ҚазАқпарат – Бүгін Атырау облысында тағы 86 адам коронавирус жұқтырды, деп хабарлайды ҚазАқпарат.

Төтенше жағдай режимін қамтамасыз ету жөніндегі өңірлік жедел штабтың хабарлауынша, қауіпті індетке шалдыққандар ішінде 84 адам – Теңіз кен орнынан шығар алдында скринингтен өткен жұмысшылар.

«Тағы екі науқас – 1986, 1997 жылғы әйелдер. Олар - провизорлық стационарға жұмыс бабымен жіберілген облыстық аурухананың санитары мен лаборанты» - деп хабарлады жедел штабтан.

Еске сала кетелік, 18 мамырда Атырау облысында коронавирус инфекциясын жұқтырғандар саны 627 адамға жетті.

Ал, қауіпті індеттен жазылғандар –165 адам.