+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Атырауда банктен 12 млн теңге ұрлаған инженер ұсталды

2019 жылғы 11 шілде 16:21
Бөлісіңіз:
Атырауда банктен 12 млн теңге ұрлаған инженер ұсталды

АТЫРАУ. ҚазАқпарат - Атырауда ірі көлемде қаржы жымқырған инженер-бағдарламашы ұсталды, деп хабарлайды ҚазАқпарат Атыраудың көліктегі полициясы департаментіне сілтеме жасап.

«26 сәуір күні Атырау станциясындағы полицияның желілік бөліміне екінші деңгейлі банктердің бірінен «Атырау халықаралық әуежайы» АҚ тиесілі 12 000 000 (он екі миллион) теңгенің ұрланғаны туралы ақпарат келіп түсті. Жедел іздестіру шаралары арқылы көліктегі полиция қызметкерлері күдіктіні тапты. Ол «Атырау халықаралық әуежайы» АҚ жұмыс істейтін 23 жастағы инженер-бағдарламашы болып шықты», - делінген полиция хабарламасында.

Тексеру барысында күдіктінің Атырау халықаралық әуежайы есепшотынан ірі көлемдегі қаражатты қасақана өз танысының есепшотына аударғаны және сол күні ақшаны есепшоттан шығарғаны анықталды.

«Аталған факт ҚР Қылмыстық кодексінің 188-бабы, 4-бөлігі 3-тармағы бойынша (Ұрлық, аса ірі көлемде) сотқа дейінгі тергеудің бірыңғай реестріне тіркелді. Атырау облысы қылмыстық істер бойынша арнайы мамандандырылған ауданаралық сотының үкімімен күдікті қылмыстық іс жасауда айыпты деп танылды және 5 жылға бас бостандығынан айырылды», - делінген хабарламада.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT