+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Атырауда балықтардың жаппай қырылуы: Қылмыстық іс қозғалады

2018 жылғы 12 желтоқсан 16:14
Бөлісіңіз:
Атырауда балықтардың жаппай қырылуы: Қылмыстық іс қозғалады

АТЫРАУ. ҚазАқпарат - Атырауда балықтың жаппай қырылу фактісі бойынша қылмыстық іс қозғалады. Қалада Жайық өзеніне тасталатын құрылғылары бар барлық ұйымдарды жоспардан тыс тексеру жұмыстары жүргізіледі. Бұл туралы Атырау облыстық орман шаруашылығы және жануарлар дүниесі аумақтық инспекциясы ҚазАқпарат тілшісіне айтып берді.

«Жайық өзенінде балықтың жаппай қырылу фактілері бойынша материалдар қылмыстық іс қозғау және сот алдындағы тергеу амалдарын бастау үшін Атырау облыстық полиция департаментіне жіберілді. ҚР Кәсіпкерлік кодексінің 144-бабы 3-бөлімінің 6-тармақшасына сәйкес, Атырау облыстық экология департаменті мен Атырау қалалық қоғамдық денсаулықты сақтау басқармасына Жайық өзенінен балық аулау үшін құрылғылар тастайтын ұйымдарды жоспардан тыс тексеру тапсырылған. Ведомствоаралық комиссияның хаттамасына сәйкес, Жайық өзенін қырылған балықтан тазарту жұмыстары басталды. Бұл жұмыс тұрғындардың денсаулығына қауіп төндірмеу және шығын көлемін анықтау мақсатымен жүргізіліп отыр. Қазіргі кезде жиналған өлі балықтың көлемі шамамен 1 тоннаны құрап отыр», - деді инспекцияның бас маманы Ақмарал Қаукенова.

Еске сала кетейік, бұған дейін Атырау облыстық орман шаруашылығы және жануарлар дүниесі аумақтық инспекциясында ведомствоаралық комиссия құрылған. Оның құрамына Атырау облысы балық шаруашылығы басқармасы, мамандандырылған табиғат қорғау прокуратурасы, Экология департаменті, Қазақ Балық шаруашылығын ғылыми-зерттеу институты, Ветеринарлық бақылау және қадағалау комитетінің аумақтық инспекциясы, сондай-ақ ТЖД өкілдері мен қалалық қоғамдық денсаулықты сақтау басқармасының мамандары кірді.


Авторы: А. Соколов

Біздің каналымызға жазылыңыз:

Басты сөздер: Атырау облысы, Қоғам,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT