Атырауда балық қорғау заңнамасын бұзғандарға 20 млн теңгеден астам айыппұл салынды

АТЫРАУ. ҚазАқпарат –Биыл Атырау облысында балық қорғау заңнамасын бұзғандарға 20 млн теңгеден астам айыппұл салынды, деп хабарлайды ҚазАқпарат.

Ұқсас жаңалықтар

Павлодардың алюминий зауытына заманға сай екі сүзгі орнатылды

Алматыда кесілген ағаштар: Sulpak компаниясы мәлімдеме жасады ШҚО-да экологиялық мәселелерді шешудің жол картасы таныстырылды Мағзұм Мырзағалиев экология жол картасы қандай нәтижеге жеткізетінін айтты

Облыстық балық шаруашылығы басқармасының басшысы Артур Сәдібекұлының айтуынша, балық ресурстарын қорғау мақсатында полиция мен шекара қызметінің күшімен браконьерлікпен күреске баса мән берілген.

«Биыл браконьерлікке қарсы пәрменді жұмыстардың нәтижесінде балық қорғау заңнамасын бұзған 1 886 дерек анықталды. Оның ішінде 1 050 адам әкімшілік жауапкершілікке тартылып, 5 қылмыстық іс қозғалды. Сондай-ақ, балық қорғау заңнамасын бұзушыларға 20 миллион 724 мың теңге көлемінде әкімшілік айыппұл салынды. Бұл бағыттағы жұмыстар әлі де жалғасуда», - деді Артур Сәдібекұлы.

Еске сала кетелік, бұдан бұрын Атырау тұрғыны 625 келі бекіремен ұсталғанын хабарлаған едік.