Атырауда балаға қол жұмсаған тәрбиеші сотта жауап берді

АТЫРАУ. ҚазАқпарат – Атырауда балаға қол жұмсаған тәрбиешіге айыппұл салынды, деп хабарлайды ҚазАқпарат тілшісі.

«Атырау қалалық мамандандырылған әкімшілік сотында Жұлдыз шағынауданындағы жеке балабақшаның тәрбиешісіне қатысты іс тыңдалды. Тәрбиешіге қызды ұрып-соқты деген айып тағылды. Сот-медициналық сараптама баланың денесі жеңіл жарақаттанғанын көрсетті. Ем алу қажет болған. Тәрбиешінің кінәсі видеобақылау камерасындағы жазбамен дәлелденді. Ол ҚР Әкімшілік кодексінің 73-бабы 1-бөлігі (Денсаулыққа қасақана жеңіл зақым келтіру) бойынша кінәлі деп танылды. Оған 26 513 теңге көлемінде айыппұл тағайындалды», - деп хабарлады әкімшілік соттың баспасөз қызметінен.

Авторы А.Соколов