Атырауда аязға төзімді дизель отыны өндіріле бастады

None
None
АТЫРАУ. ҚазАқпарат - Атырау мұнай өңдеу зауыты ең төменгі сүзгіден өту температурасы минус 38С болатын аязға төзімді дизель отынын өндіру және жөнелту қондырғысын іске қосты, деп хабарлайды ҚазАқпарат тілшісі.

«Қазақстанның көптеген аймақтарында күннің суытуына байланысты аталмыш отын отандық тұтынушылар арасында кеңінен сұранысқа ие болады. Бірінші партия Атырау мұнай өңдеу зауытында 14 қарашада жөнелтілді, бүгінгі күні 3 088 тонна тиелді. Атырау МӨЗ қараша айында 3 500 тонна мұнай жөнелтуді жоспарлап отыр», - деп хабарлады «ҚазМұнайГаз »ҰК« АҚ Басқарма төрағасының мұнай өңдеу және маркетинг жөніндегі орынбасары Данияр Тиесов. Khazar -38 дизель отыны-зауыт пен бүкіл Қазақстан үшін бірегей өнім. Ол К5 экологиялық класқа сәйкес келеді, яғни құрамында күкірт пен парафиндері жоқтың қасы және құрамында төмен температура қасиеттеріне әсер ететін қоспалар жоқ, сондықтан бұл технологиялық процестің таза өнімі. Қазақстанда мұнайды терең өңдеу кешенінің Prime D дизель отынын гидротазалау және депарафинизациялау қондырғысында ғана осындай қатпайтын жанармай өндіріледі.

Соңғы жаңалықтар