+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Атырауда Ассамблея жастары мүгедектерге 2 тонна көкөніс алып берді

2020 жылғы 30 қазан 09:51
Бөлісіңіз:
Атырауда Ассамблея жастары мүгедектерге 2 тонна көкөніс алып берді

АТЫРАУ. ҚазАқпарат – Атырау облысы бойынша Қазақстан халқы Ассамблеясының «Жаңғыру жолы» жастар қозғалысы «Мөлдір көз» соқырлар қоғамына екі тонна көкөніс өнімдерін алып берді, деп хабарлайды ҚазАқпарат.

Ұқсас жаңалықтар
Футболдан ӘЧ- 2022: Еуропадағы іріктеу кезеңінің жеребесі 7 желтоқсанда тартылады Елімізде әлеуметтік маңызы бар 500 жоба жүзеге аспақ Пандемия кезінде қайырымдылық пен волонтерлік жалпыұлттық сипат алды – Болат Тілепов

«Жаңғыру жолы» жастар қозғалысының жетекшісі, Атырау қалалық мәслихат депутаты Тамила Розметова айтуынша, мұндай қайырымдылық шарасы алдағы уақытта да жалғасын табады.

«Біз тек көкөніс өнімдерімен ғана емес, сондай-ақ, мұқтаж жандарды табиғи таза ешкі сүтімен, одан жасалатын тағам түрлерімен қамтамасыз етуді қолға аламыз. Аптасына бір рет осындай көмек көрсетеміз. Біздің еріктілеріміз әр мұқтаж жанға қажетті өнімдерді мекенжайына жеткізіп береді», - дейді Тамила Розметова.

Атырау облыстық соқырлар қоғамдық бірлестігінің төрағасы, І топ мүгедегі Жұмабай Әбуғалиев мүмкіндігі шектеулі жандарға мұндай қолдаудың қажеттігін алға тартады.

«Былтыр зағип жандардың «Мөлдір көз» қоғамдық бірлестігін ашқан едім. «Мөлдір көзде» 127 мүгедек тіркелген. Оның бірінші топқа жататын 67 мүгедек бар. Сондай-ақ, 12 адам жеңіл тамақ өнеркәсібімен айналысады. Қамқорлық айында «Жаңғыру жолының» жастары көмек беріп отыр. Біз 59 мың теңге әлеуметтік жәрдемақы аламыз. Бұл көп нәрсеге жете бермейді. Сондықтан осындай қайырымдылық көмектің мәні зор», - дейді Жұмабай Әбіғалиев.


Біздің каналымызға жазылыңыз:

Бөлісіңіз:

Автор:

Бек Мұстафа

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT