Атырауда 22 жастағы жігіт оқ жарақатымен ауруханаға түсті
2021 жылғы 28 қараша 22:48

Атырауда 22 жастағы жігіт оқ жарақатымен ауруханаға түсті

АТЫРАУ. ҚазАқпарат – Атырауда травматикалық қарудан жарақаттанған бір адам ауруханаға түсті, деп хабарлайды ҚазАқпарат.

Бұл деректі облыстық Полиция департаментінің баспасөз қызметі растады.

«Атырауда 26 қараша күні түнгі сағат 1:35 шамасында 21 жастағы тұрғын травматикалық қарудан оқ атқан. Салдарынан 1999 жылы туған тұрғын сол аяғынан жарақат алып, облыстық ауруханаға жеткізілді. Полиция қызметкерлері жедел іздестіру іс-шарасын жүргізіп, аталған іске күдіктіні ұстады», -деп хабарлады департаменттің баспасөз қызметінен.

Травматикалық қарудан оқ атқан күдіктіге қатысты ҚР Қылмыстық кодексінің 293-бабының 3-бөлігімен сотқа дейінгі тергеу жүргізіліп жатыр. Өзге ақпарат ҚР Қылмыстық-процестік кодексінің 201-бабына сəйкес жариялауға жатпайды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT