Атырауда 20 автокөлік айып тұрағына қойылды
Облыстық полиция департаментінің қызметкерлері 8 маусымнан бері сот орындаушылармен бірге «Борышкер» жедел іс-шарасын өткізіп жатыр.
«Іс-шара кезінде полицейлер Жедел басқару орталығының бақылау камералары арқылы
борышын өтемей жүрген жүргізушілерді анықтады. Полицейлер планшеттің көмегімен
500-ден астам жүргізушіге әкімшілік айыппұлдарын өтеу туралы әкімшілік соттың
қаулысын тапсырды. Борышы бар жүргізушілерден 6 млн теңгеге жуық айыппұл
өндіріліп, 20 автокөлік айып тұрағына қойылды», - деп хабарлады облыстық полиция
департаментінің баспасөз қызметі.
Сондай-ақ, полиция қызметкерлері планшеттің көмегімен алимент төлемегендерді
анықтап, көлік құралын басқарушылардың сақтандыру полисін тексеру мүмкіндігіне ие
болған.
Еске сала кетелік, Атырауда Армениядан әкелінген 160-тан астам көлік
тіркелген еді.