Атырауда 2 мың гектардан асатын 10 жер телімі мемлекетке қайтарылды

АТЫРАУ. ҚазАқпарат –Атырау облысында берілген жер учаскелерін игермегені үшін 10 учаскесі кері қайтарылды, деп хабарлайды ҚазАқпарат.

Облыстық жер ресурстарының пайдаланылуы мен қорғалуын бақылау басқармасының басшысы Гүлзия Құрманованың мәліметінше, мемлекет меншігіне қайтарылған жер учаскелерінің жалпы аумағы 2 мың гектардан асады.

«Биыл мерзімінде игерілмегені үшін 10 учаске кері қайтарылды. Ал, 51 жеке және заңды тұлға әкімшілік жауапкершілікке тартылып, жалпы сомасы 8 833 642 теңге айыппұл салынды. Сондай-ақ, жер заңнамасын бұзушылықтарды жою туралы 51 ұйғарым берілді», - дейді Гүлзия Құрманова.

Қазір бюджетке 6 700 142 теңге ерікті түрде төленген.