USD 434.24 EUR 492.69
RUB 5.67 CNY 68.46
Jańalyqtar

Атырауда 16 жасар бозбала нөмірі жасырылған көлікті жүргізген

2021 жылғы 7 қаңтар 09:33
Бөлісіңіз:
Атырауда 16 жасар бозбала нөмірі жасырылған көлікті жүргізген

АТЫРАУ. ҚазАқпарат – Атырау қаласында мемлекеттік нөмірі медициналық маскамен жасырылған көлікті жүргізген 16 жастағы жасөспірім ұсталды, деп хабарлайды ҚазАқпарат.

Ұқсас жаңалықтар

Облыстық полиция департаменті баспасөз қызметінің ақпаратына қарағанда, патрульдік полиция қызметкерлері 4 қаңтарда Владимирский-Луговой көшелерінің қиылысында мемлекеттік нөмірі медициналық маскамен жасырылған «Тойота Камри» автокөлігін тоқтатқан.

«Тексеру кезінде бұл көлікті 16 жасар жасөспірім жүргізгені анықталды. Жасөспірімге қатысты ҚР Әкімшілік құқық бұзу кодексінің 590-бабының 4-бөлімімен әкімшілік хаттама толтырылды. Іс құжаттары сотқа жолданып, автокөлік айып тұрағына қойылды» деп хабарлады департаменттің баспасөз қызметі.

Сондай-ақ, жасөспірімге аталған кодекстің 612-бабының 4-бөлімімен 29 170 теңге көлемінде айыппұл салынған. Ал, оның ата-анасына осы құжаттың 442-бабының 2-бөлімімен әкімшілік хаттама толтырылып, ескерту берілген.

Еске сала кетсек, бұған дейін Атырау облысында кәмелет жасына толмаған жасөспірім көлік жүргізгенін жазған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT