Атырауда 1 жасар егіз балалар үшінші қабаттың терезесінен құлап кетті

АТЫРАУ. ҚазАқпарат – Атырауда 1 жасар егіз бүлдіршіндер 3-қабаттың терезесінен құлап кетті, деп хабарлайды ҚазАқпарат.

Облыстық төтенше жағдайлар департаменті баспасөз қызметінің мәліметінше, оқыс оқиға 5 қыркүйек күні Атырау қаласында болған.

«Береке» шағын ауданында орналасқан көпқабатты тұрғын үйдің 3-қабатынан 2020 жылы туған 2 баланың (егіз) терезеден құлау дерегі тіркелді. Бұл кезде екі баланың анасы жұмыста болған, ал әкесі ұйықтап жатқан. Өкінішке қарай, пәтердің терезелерінде темір тор орнатылмаған», -деп хабарлады департаменттің баспасөз қызметі.

Айта кетейік, баланың біреуі ауруханда қайтыс болды. Ал, екіншісі ауруханада жатыр.