Атырауда 1 шілдеге дейін 8 мыңға жуық адам атаулы әлеуметтік көмек алады

АТЫРАУ. ҚазАқпарат –Атырау облысында 1 шілдеге дейін 1 387 отбасының 7 899 мүшесіне атаулы әлеуметтік көмек беріледі. Бұл туралы облысты жұмыспен қамтуды үйлестіру және әлеуметтік бағдарламалар басқармасының басшысы Серік Қамидолла мәлім етті, деп хабарлайды ҚазАқпарат.

«Атаулы әлеуметтік көмектің шартты ақшалай берілетін түрін алушылардың арасында еңбекке қабілетті адамдар саны 2 154-ті құрайды. Оның ішінде 28-і өзін-өзі қамтитындар, 1 049-ы жүгіну кезінде жұмысы барлар, 431-і жұмыспен қамту орталығында жұмыссыз ретінде тіркелгендер, 610-ы бала күтіміндегілер, ал, 36-ы өзге санаттағылар», - деді облыстық жұмыспен қамтуды үйлестіру және әлеуметтік бағдарламалар басқармасының

басшысы Серік Қамидолла.

Еске сала кетелік, бұған дейін Атырауда 140 мыңнан астам адам әлеуметтік көмек алған

еді.