Атырауда 1 млрд текше метр газды кешенді дайындау қондырғысы салынып жатыр
2021 жылғы 24 желтоқсан 13:02

Атырауда 1 млрд текше метр газды кешенді дайындау қондырғысы салынып жатыр

АТЫРАУ. ҚазАқпарат – Атырау облысында 1 млрд текше метр газды кешенді дайындау қондырғысы салынып жатыр, деп хабарлайды ҚазАқпарат.

Қондырғы құрылысы Атырау қаласынан 60 шақырым қашықта, Мақат ауданында қолға алынған. Онда Каспий теңізіндегі «Қашаған» кен орнынан өндірілетін 1 млрд текше метр газды кешенді дайындау жоспарланған.

«Қазір Ескене елді мекенінің маңында орналасқан нысан құрылысын «GPC Investment» ЖШС жүргізуді қолға алды. Құрылыс жұмыстарына 2 500 адам тартылды. Жоба іске қосылған кезде 450 адам тұрақты жұмысқа орналасады. Құрылыс жұмыстары 2023 жылы аяқталады», -деп мәлім етті Мақат ауданының әкімі Шәкір Кейкин.

Еске сала кетелік, бұдан бұрын Атырау облысында алдағы жылы жел электр стансасы іске қосылатынын хабарлаған едік.


Автор:
Тілші

Jańalyqtar

MURAǴAT