Атырау прокуратурасы кәсіпкерлерге қатысты 272 заңсыз тексеруді тоқтатты
2022 жылғы 28 мамыр 04:01

Атырау прокуратурасы кәсіпкерлерге қатысты 272 заңсыз тексеруді тоқтатты

АТЫРАУ. ҚазАқпарат – Атырау прокуратурасы кәсіпкерлерге қатысты 272 заңсыз тексеруді тоқтатты, деп хабарлайды ҚазАқпарат.

Бұл туралы Атырау облысының прокуроры Халидулла Дәуешовтің мәліметінше, уәкілетті органдар құрылыс жұмыстарын бастау үшін табысталатын сәулет-жоспарлау тапсырмасы мен техникалық шарттарды бекітуден негізсіз бас тартқан.

«Жалға берілген мемлекеттік мүліктің құны заңсыз өсірілген. Атырау қаласының аумағында жолаушыларды тасымалдаумен айналысатын кәсіпкерлер тұрғындардың әлеуметтік осал топтарын тегін тасымалдауға міндеттелген. Алайда, кәсіпкерлерге көрсетілген қызмет үшін ақы төленбеген. Қазір прокурорлық қадағалау шараларымен бұл тәжірибе тоқтатылып, тиісті мемлекеттік мекемелердің басшылары жауапқа тартылды. Кәсіпкерлік субъектілеріне артық алынған қаражатты қайтару жұмыстары жүргізіліп, осал топ санатына кіретін тұрғындарды тасымалдауды реттеу мәселесі қарастырылып жатыр» -деп хабарлады облыс прокуроры Халидулла Дәуешов.

Оның айтуынша, кәсіпкерлердің құқықтарын қорғау мақсатында облыстың прокуратура органдары жанында құрылған мобильдік топтар хабарламаларға байланысты дереу шаралар қолданып отыр.

«Бүгінге мобильді топтардың сенім телефондарына 46 хабарлама түсті. Кәсіпкерлік субъектілерін қатысты 272 заңсыз тексеру тоқтатылып, 2 әкімшілік хаттама заңсыз деп танылды» -деп мәлім етті облыс прокуроры.

Еске сала кетелік, бұдан бұрын Атырауда жұмыс істейтін сотталушылардың салығы мен зейнетақы жарнасы аударылмағанын хабарлаған едік.


Автор:
Тілші

Jańalyqtar

MURAǴAT