Атырау облысының ауданында жаңа музей ашылды

АТЫРАУ. ҚазАқпарат - Атырау облысының Жылыой ауданында Тұңғыш Президент күніне орай музей ашылды, деп хабарлайды ҚазАқпарат тілшісі.

Ұқсас жаңалықтар

Тұңғыш Президент күні: Қарағандыда 170 полицей марапатталды

Келес ауданында жаңа мектеп пайдалануға берілді Алматыда мерекелік отшашу болды Тұңғыш Президент күні Қарағанды облысының тұрғындары қоныс тойын тойлады

Музей ғимаратында екі экспозициялық зал, экспонаттарды қабылдау және өңдеу бөлмесі, көрме залы, қызметтік мамандардың бөлмелері, аудитория,​ жәдігерлерді сақтайтын және шаруашылық бөлмелері орналасқан. Қазіргі таңда музей қорында​ 5365 жәдігер сақтауға алынған.

«Өздеріңізге белгілі, ауданды тану ең алдымен, музейден басталады. Музей арқылы ауданның белгілі азаматтарын, аудан тарихын білуге болады және бұл, осы өлкенің тарихи-мәдени мұрасы сақталатын қастерлі орындардың бірі. Жылыой ауданының да өзіндік мақтанышы, қасиетті жерлері мен тарихи орындары, өзгеден өзгеше құндылықтары баршылық.

Соның ішінде, «Қазақстанның киелі картасына» енген Жылыойдағы Ақмешіт рухани-имандылық орталығы, Аралтөбе қорғанының өзі бір тарих. Жылыой – Қарашүңгілден бастау алған Қазақстан мұнайының қарашаңырағы деп мақтанышпен айта аламыз. Осынау рухани мұраны елдің жадында жаңғыртып, ұлттық құндылықтарымыз бен бай тарихымызды, өңірдің танымал тұлғаларын, өткені мен бүгінгісін насихаттайтын, көпшілікке танытатын осындай асыл қазыналарымыз музейлерде сақталуы тиіс деп білемін«, - деді аудан әкімі Азамат Бекет.