+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Атырау облысының әкімі ресейлік дәрігерлерге алғыс айтты

2020 жылғы 30 шілде 05:33
Бөлісіңіз:
Атырау облысының әкімі ресейлік дәрігерлерге алғыс айтты

АТЫРАУ. ҚазАқпарат – Атырау облысының әкімі ресейлік дәрігерлерге ризашылығын білдірді, деп хабарлайды ҚазАқпарат.

Облыс әкімі Махамбет Досмұхамбетовтің мәліметінше, ресейлік дәрігерлердің Атырауға келуі дер кезіндегі көмек болды. Қазір науқастар саны азайған. Атыраулықтардың коронавирус инфекциясынан сауығу динамикасы жоғарылаған. Бастапқыда дəрігер тапшылығы байқалғанмен, медицина саласы жас кадрлармен толығып жатыр.

Облыстық кардиологиялық орталықтың қауіпті аймағында екі апта еңбек еткен астрахандық дәрігері Анна Чепель атыраулық әріптестерін өз ісінің шебері деп есептейді.

«Атыраулық әріптестеріміз шын мәнінде бар өмірін жұмыста өткізіп жатыр. Бұл –үлкен еңбек. Бұған біз науқастарды емдеу шараларына тікелей атсалысу кезінде куә болдық. Қазақстандық тарап қолданып отырған препаттар біздің емдеу хаттамамызға толық сәйкес келеді» - деді ол.

Мәскеулік дәрігерлерді бастап келген Владимир Власов №2 облыстық ауруханада жұмыс істеген. Оның айтуынша, ресейліктер Атыраудағыдай ахуалды наурыз, сәуір айларында бастан өткерген.

«Бастысы – стационарларда ұйымдастыру жұмысы жоғары деңгейде. Кадр мәселесі де қазір шешіліп келеді. Сырқаттанып қалған дәрігерлер де қатарға қосылуда. Біз де әріптестерімізден біраз нәрсені үйрендік. Бұл жерде атыраулық дәрігерлердің кәсіби шеберлігін, өз өмірін, отбасын қауіпке тігіп, адам өмірін жанқиярлықпен құтқару жолында еңбек етіп жүргенін атап өткеніміз жөн» -дейді ол.

Ресейлік дәрігерлер Атыраудағы инфекциялық және провизорлық стационарларда науқастарды емдеуге қатысты. Олардың арасында анестезиолог-реаниматолог, пульманолог, инфекционист, жалпы тәжірибелік дәрігер, педиатрлар бар.

Бүгінгі күні Атырау облысында эпидемиологиялық ахуалдың тұрақтанды. Осыған байланысты Атырауда карантиндік орындар саны 90 пайызға дейін қысқартылып, провизорлық стационарлардағы керуеттер азайтылып жатыр. Ал тамызда ауруханалар жоспарлы емдеу шараларына көшеді.

Еске сала кетелік, бұдан бұрын Атырауда коронавирус жұқтырғандардың 60 пайызы індеттен жазылып кеткен еді.



Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT