Атырау облысында жыл басынан бері 26 адам суға кеткен

None
None
АТЫРАУ. ҚазАқпарат – Атырау облысында жыл басынан бері 26 адам суға кеткен, деп хабарлайды ҚазАқпарат.

Облыстық төтенше жағдайлар департаменті баспасөз қызметінің ақпаратына қарағанда, Атырау қаласында, Жылыой мен Құрманғазы ауданында тәулік бойы кезекшілік атқаратын 3 суда құтқару стансасы бар. Мұнда 11 кәсіби құтқарушы жұмыс істейді.

«Жыл басынан бері өңірдегі су айдындарында суға батқан 26 адам қайтыс болды. Оның ішінде Атырау қаласында – 12, Жылыой ауданында – 5, Махамбетте – 4, Құрманғазыда – 3, Индер ауданында 2 адам жантәсілім етті. Суға кеткендердің арасында 8 бала бар. Жедел құтқару жасағының көмегімен 1 ересек адам мен кәмелетке толмаған 2 жасөспірім құтқарылды», - деп мәлім етті департаменттің баспасөз қызметінен.

Сондай-ақ, полиция қызметкерлерімен бірге су айдындарының жағалауында рейд өткізіліп, құқық бұзушыларға 259 әкімшілік хаттама толтырылған.

Еске сала кетелік, бұған дейін Атырау облысында 3 жасар қыз бен 6 жасар бала суға батып кеткенін хабарлаған едік.



Соңғы жаңалықтар