USD 434.34 EUR 491.93
RUB 5.56 CNY 68.67
Jańalyqtar

Атырау облысында жүк пойызы 20 қой-ешкіні басып кетті

2021 жылғы 9 желтоқсан 12:00
Бөлісіңіз:
Атырау облысында жүк пойызы 20 қой-ешкіні басып кетті

АТЫРАУ. ҚазАқпарат – Атырау облысында жүк пойызы 16 қой мен 4 ешкіні басып кетті, деп хабарлайды ҚазАқпарат.

Ұқсас жаңалықтар
Атырау облысында жаңа жобаларға 8,3 трлн теңге инвестиция тартылады Үкіметте Атырау облысындағы құрылыс жұмыстары қаралды Атырауда түн ортасында балконда тұрған 4 жасар бала құтқарылды

Көліктегі полиция департаментінің баспасөз қызметі таратқан ақпаратқа қарағанда, оқыс оқиға кеше, 8 желтоқсанда болған.

«Жүк пойызының машинисі «Қиғаш-Атырау» учаскесіндегі №15 разъезде темір жол үстінде жүрген қой-ешкілерді байқап, шұғыл тежеу әдісін қолданды. Бірақ, оқыс оқиғаның алдын алу мүмкін болмады. Пойыз 16 қой мен 4 ешкіні басып кетті. Жүк пойызы осының салдарынан 12 минут мәжбүрлі түрде тоқтап тұрды. Оқиға орнына Атырау стансасындағы желілік полиция бөлімінің жедел-тергеу тобы келіп, мән-жайды анықтады», - дейді департамент бастығының бірінші орынбасары Қалижан Қобландин.

Оның айтуынша, пойыз астына түскен малдың иесі Исатай ауданындағы Аққыстау ауылының тұрғыны болып шыққан. Мал иесіне ҚР Әкімшілік құқықбұзушылық туралы кодексінің 559-бабының 1-бөлігімен айыппұл салынған.

Еске сала кетелік, бұған дейін Атырау облысында мал іздеуге шыққан ер адам жоғалып кеткенін жазған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT