Атырау облысында жол апатынан үш адам қаза тауып, төртеуі жараланды

АТЫРАУ. ҚазАқпарат - Атырау облысында болған ірі жол апатынан үш адам қаза тауып, төртеуі жараланды, деп хабарлайды ҚазАқпарат.

Оқиға Индер ауданының Индербор ауылында орын алған. «Тойота» және «Лексус» автокөліктері соқтығысты. Үш адам оқиға орнында мерт болды, ал төртеуі түрлі жарақатпен ауруханаға жеткізілді.

Аймақтық полиция департаменті баспасөз қызметінің мәліметінше, жол-көлік оқиғасы негізінде ҚР ҚК 345-бабы, 3-бөлімі бойынша қылмыстық іс қозғалған.