Атырау облысында жоғалған адамды тікұшақпен іздеп жатыр

АТЫРАУ. ҚазАқпарат – Атырау облысында із-түзсіз жоғалған адамды іздестіруге тікұшақ тартылды, деп хабарлайды ҚазАқпарат.

Бұған дейін Құрманғазы ауданында жоғалып кеткен 60 жастағы ер адам жоғалып кеткен еді.

«Бүгін оны іздестіруге «Қазавиақұтқару» АҚ Атырау филиалынан «Еурокоптер-145 ЕС-028» тікұшағы тартылып, Шортанбай, Көптоғай ауылдық округтері аумағында әуеден іздестіру жұмысын жүргізді. Әуеден радиусы 60 шақырымдай болатын аймақ қаралды. Сондай-ақ, іздестіру жұмысына 57 адам мен 3 техника жұмылдырылды. Алайда, жоғалған адам әзірге табылған жоқ» деп хабарлады облыстық төтенше жағдайлар департаментінің баспасөз қызметінен.