Атырау облысында вакцинаның І компонентін алғандар саны 113 мыңнан асты
Облыстық Денсаулық сақтау басқармасының баспасөз қызметінен мәлім еткендей, кеше, 10 шілдеде «Спутник V», «QazVac», «Hayat-Vax» вакциналарының I компонентін 2 556 атыраулық салдырған.
Вакцина алғандардың арасында 124 педагог, 57 дәрігер, 56 студент, 23 мемлекеттік қызметші, арнайы мекемелердің 9 өкілі болған. Сондай-ақ, қауіпті вирусқа қарсы вакциналарды 1 полицей, құқық қорғау органдарының 1 қызметкері, 361 созылмалы ауруы бар 361 пациент пен жергілікті 1 924 тұрғын алған.
«Биылғы 1 ақпан-10 шілде аралығында 113 798 адам вакциналардың I компонентін ектірді. Вакциналардың II компонентін алғандар саны 60 410 адамға жетті» -деп хабарлады басқарманың баспасөз қызметі.
Еске сала кетелік, бұған дейін Атырау облысында бір күнде 3 769 адам вакцина салдырған болатын.