USD 434.48 EUR 492.61
RUB 5.68 CNY 68.44
Jańalyqtar

Атырау облысында үш компания қылмыстық топ көмегімен 715 млн теңге салықтан жалтарған

2021 жылғы 2 желтоқсан 17:16
Бөлісіңіз:
Атырау облысында үш компания қылмыстық топ көмегімен 715 млн теңге салықтан жалтарған

АТЫРАУ. ҚазАқпарат - Атырау облысында мемлекетке 700 миллион теңге көлемінде залал келтірген ұйымдасқан қылмыстық топ мүшелері сотталды, деп хабарлайды ҚазАқпарат Қаржылық мониторинг агенттігіне сілтеме жасап.

Ұқсас жаңалықтар
Атырауда тағы бір университет ұжымы «Қазақстан халқына» қорына бір күндік жалақысын аударды Атырауда 18 жастағы жүргізушіден мылтыққа ұқсас қолдан жасалған қару тәркіленді Атырау қаласының әкімі қызметінен босатылды

Қылмыстық топ қаражатты криминалдық жолмен қолма-қол ақшаға айналдырып келген.

«Агенттіктің Атырау облысы бойынша аумақтық департаменті Н.Дәулетиярованың басшылығымен ұйымдасқан қылмыстық топ қызметінің жолын кесті.

Ұйымдасқан қылмыстық топ мүшелері үлестес компаниялар – «Атырау Инвест Групп» ЖШС, «БР-Групп» ЖШС, «Ербек-компани» ЖШС атынан 2017 жылдан бастап 2019 жылға дейінгі кезеңде облыс кәсіпорындарына жалған шот-фактураларды жазып беру бойынша заңсыз қызметті жүзеге асырды», делінген хабарламада.

Осылайша, компанияларға 715 миллион теңгеден астам бюджетке салық төлеуден жалтаруға жәрдем көрсеткен.

«Бас ұйымдастырушы Н.Дәулетиярова 7 жылға бас бостандығынан айырылды, оның сыбайластары Р.Батқаев пен Б.Жүсіпов тиісінше 5 және 5,5 жылға сотталды.

Бұл адамдар 5 жыл мерзімге коммерциялық ұйымдарда басшылық лауазымдарды атқару, сондай-ақ бухгалтерлік қызметпен айналысу құқығынан айырылды», делінген хабарламада.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT