Атырау облысында тұмауға қарсы 30 мың вакцина сатып алынды

АТЫРАУ. ҚазАқпарат- 2019 жылы Атырау облысында тұмауға қарсы 61 мың дозадан астам вакцинаға тапсырыс беріліп, соның 30 мыңы сатып алынды, деп хабарлайды ҚазАқпарат тілшісі.

Осы мақсатта жергілікті бюджеттен 55 млн теңге қаражат бөлінген. Бұл туралы ӨКҚ-де өткен брифингте Атырау облысы тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Амантай Жұмағалиев мәлімдеді.
«Тұмау инфекциясы дамуының бірқатар ерекшеліктері бар. 3-5 күннен астам уақыт дене қызуы 38-40 С-тан жоғары болуы, бастың қатты ауыруы, аяқ-қолдың тартылуы секілді белгілері бар. Тұмаудың алдын алудың тиімді әдісі - вакцинация», - дейді Амантай Жұмағалиев.