+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Атырау облысында Табылды Досымов пен Мұрат Мөңкеұлына ескерткіш қойылды

2019 жылғы 19 қазан 19:27
Бөлісіңіз:
Атырау облысында Табылды Досымов пен Мұрат Мөңкеұлына ескерткіш қойылды

АТЫРАУ. ҚазАқпарат- Атырау облысының Индербор кентінде зар заман ақыны Мұрат Мөңкеұлы мен бард ақын Табылды Досымовқа арналған ескерткіш қойылды, деп хабарлайды ҚазАқпарат тілшісі.

Ұқсас жаңалықтар
Алматыда Шәмші Қалдаяқовтың ескерткіші ашылды Омбыда суретші Амангелді Шәкеновке ескерткіш қойылды Ақтөбеде Жалаңтөс баһадүрге ескерткіш орнатылды

Мұрат баба ескерткішінің авторы - ҚР суретшілер одағының мүшесі Құттыбек Жақып. Биіктігі 7 метр болатын ескеркіш таза қоладан құйылған. Елінің тәуелсіздігін аңсап жыр толғаған майталман жыршы, термеші ретінде Мұрат Мөңкеұлы халық арасында танылған. Салтанатты шараға қатысқан Атырау облысы әкімінің бірінші орынбасары Серік Шапкенов аймақ басшысы атынан бүгінгі айтулы мерекемен құттықтады.

«Қазақтың зар заман ақыны Мұрат Мөңкеұлын танымайтын қазақ жоқ. Өзінің рухқа толы өлеңдерімен халық жадында мәңгі сақталады. Бүгінгі біздің міндетіміз - ұлы тұлғаларымызды ұлықтау. Осы арқылы жас ұрпақты тәрбиелеуіміз керек. Бүгін Индербор кентінде Мұрат Мөңкеұлы мен Табылды Досымовқа арналған ескерткіш бой көтерді. Ашылғалы тұрған екі ескерткіш құтты болсын»,-дейді Серік Шапкенов.

Сонымен қатар, қазақтың тұңғыш бард ақыны Табылды Досымовқа арналған ескерткіштің де салтанатты ашылуы өтті. Шараға Табылдының замандастары, қоғам қайраткерлері қатысты. Биіктігі 2 метр 60 см болатын ескерткіш таза қоладан құйылған. Табылды ақынның 45 жасында өмірден өтуін білдіретін 4,5 метрлік гранит тасқа өлеңдері жазылған. Сондай-ақ, Табылды мұрасының кейінгі ұрпаққа жалғасуын бейнелейтін граниттың ұшар басында құстар бейнеленген. Ескерткіштің авторы - ҚР суретшілер одағының мүшесі Бақытбек Мұхаметжанов.


«Мен қазақпын» деп жаһанға жар сала жырлаған жалынды ақын кіндік қаны тамып, өмірінің соңғы күндерін өткізген туған топырағында бүгін сәулетті ескерткіш бой көтеріп отыр. Табылды қазақ жадында мәңгілік сақталады. Мұрат Мөңкеұлы азаттықты армандаса, Табылды биіктікті аңсады. Екі тұлғаның бүгінде арманы орындалды»,- дейді ақын, Табылдының замандасы Светқали Нұржан.


Айта кетейік, қазақтың зар заман ақыны Мұрат Мөңкеұлы мен бард ақын Табылды Досымов Индер ауданында жерленген.


Біздің каналымызға жазылыңыз:

Бөлісіңіз:

Автор:

Абай Абылайұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT