USD 436.29 EUR 492.83
RUB 5.92 CNY 68.48
Jańalyqtar

Атырау облысында сыбайлас жемқорлық деңгейі төмендеді

2021 жылғы 23 қаңтар 20:36
Бөлісіңіз:
Атырау облысында сыбайлас жемқорлық деңгейі төмендеді

АТЫРАУ. ҚазАқпарат – Атырау облысының әкімі Махамбет Досмұхамбетовтің төрағалығымен сыбайлас жемқорлықпен күрес жөніндегі өңірлік комиссияның алғашқы отырысы өтті, деп хабарлайды ҚазАқпарат.

Ұқсас жаңалықтар
Сайлаудағы әйелдер мен жастар квотасы халықтың түрлі санаттарының қажеттіліктерін ескереді – сарапшы ШҚО-да үш айда 41 мыңнан астам адам әкімшілік жауапкершілікке тартылды Шымкентте жемқорлыққа қарсы мәдениетті қалыптастыруға қатысты форум өтті

Комиссия отырысында «Transparency International» ұйымының Қазақстандағы өкілдігі жүргізген «2020 жылғы Қазақстандағы сыбайлас жемқорлық жай-күйінің мониторингі» зерттеуінің нәтижелері жарияланып, Атырау облысындағы сыбайлас жемқорлық деңгейі мен алдын алу шаралары қаралды.

«Transparency International» ұйымының Қазақстандағы сарапшылары қалалар, облыстар

мен және аудандарда 9 000 респондентпен сауалнама жүргізіп, «ашық диалог» порталына

түскен 1 347 өтінішті зерттеген.

«Тұрғындар арасында жүргізілген сауалнама нәтижелері мемлекеттік органдарға жүгінген

кезде сыбайлас жемқорлыққа тап болған адамдардың үлесі 2019 жылмен салыстырғанда

2,1%-ға төмендегенін көрсетті», - деді Сыбайлас жемқорлыққа қарсы іс-қимыл агенттігі Атырау облысы бойынша департаментінің басшысы Қанат Сүлейменов.

«Адалдық алаңы» жобалық кеңсесінің жетекшісі Альфия Әдиеваның мәліметінше, тұрғындар арасында сыбайлас жемқорлыққа қарсы мәдениетті қалыптастыру мақсатында 72 ақпараттық-насихаттық жұмыс жүргізілген.

«Тұрғындардың біліктілігін арттыру бағытында электрондық қызметтер бойынша оқыту бейнероликтерін әзірлеу, ашықтықты қамтамасыз ету мақсатында Атырау облысындағы терможаңғырту жүйесін цифрландыру, яғни арнайы сайт жасау қажет», -деді ол.

Махамбет Досмұхамбетов өңірде жемқорлық деңгейінің төмендегеніне қарамастан, аталған індеттің алдын алу үшін құзырлы сала қызметкерлері жұмысты әлі де күшейту қажеттігіне тоқталды. Осыған орай тиісті лауазым иелеріне бірқатар тапсырма берді.

Еске сала кетелік, бұдан бұрын Алик Шпекбаев мемлекеттік қызметшілердің басты міндеті –азаматтарға қолжетімді қызмет көрсету екендігін айтқан еді.



Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT