Атырау облысында сушиден уланған 16 адам ауруханаға түсті
2020 жылғы 28 желтоқсан 18:48

Атырау облысында сушиден уланған 16 адам ауруханаға түсті

АТЫРАУ. ҚазАқпарат – Атырау облысында сушиден уланған 16 адам ауруханаға түсті, деп хабарлайды ҚазАқпарат.

Бұл деректі облыстық денсаулық сақтау басқармасының баспасөз қызметі растады.

Жылыой аудандық ауруханасына тамақтан уланған 16 жергілікті тұрғын жатқызылды. Олардың 25-27 желтоқсан аралығында Құлсары қаласындағы дәмхананың бірінен үйге жеткізілетін сушиге тапсырыс бергені белгілі болды.

«Ауруханаға түскен кезде науқастарда диарея, дене қызуының көтерілуі, жүрек айну, құсу және жалпы әлсіздік симптомы болған. Қазір науқастардың жағдайы «орташа ауыр» деңгейде» деп хабарлады облыстық денсаулық сақтау басқармасының баспасөз қызметі.

Құқық қорғау органдары аталған факті қатысты тексеруді бастады.


Автор:
Тілші

Jańalyqtar

MURAǴAT