Атырау облысында шағын авиация қайта жаңғыртылады

АТЫРАУ. ҚазАқпарат - Атырау облысында 90-шы жылдардан бері алғаш рет шағын авиацияны жаңғырту қолға алынды, деп хабарлайды ҚазАқпарат.

«Облыстың шалғай жатқан Қызылқоға, Жылыой және Құрманғазы аудандарының тұрғындарына әуе көлігімен қатынауына мүмкіншілік туып отыр. Миялы, Құлсары аудан орталықтары мен Сүйіндік ауылдары Ресей Федерациясының шекарасында орналасқан. Оларды Атыраумен шағын жолаушылар ұшағы байланыстырады. Қазіргі таңда Миялы, Құлсары, Сүйіндік елдімекендерінде шағын авиацияға арналған әуежай құрылысының ТЭН жобасы әзірленді, Миялы әуежайының жобалық-сметалық құжаттамасы жасалып жатыр», - деп мәлім етті облыстық жолаушылар көлігі және автомобиль жолдары басқармасының басшысы Қайрат Нұртаев.