+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Атырау облысында карантин режимі 175 мәрте бұзылған

2020 жылғы 13 шілде 22:53
Бөлісіңіз:
Атырау облысында карантин режимі 175 мәрте бұзылған

АТЫРАУ. ҚазАқпарат – Атырау облысында демалыс күндері карантин режимін бұзған 175 дерек анықталды, деп хабарлайды ҚазАқпарат.

Ұқсас жаңалықтар
Маска тақпағандарға 80 мың теңгеге жуық айыппұл салынады Бүгіннен бастап Қазақстанда қатаң карантин тағы 2 аптаға созылды Атырауда саябақтар мен жағалауға баруға тыйым салынды

Өңірлік коммуникациялар қызметінің мәліметіне сүйенсек, эпидемиологиялық ахуалдың күрделенуіне қарамастан Атырау қаласының тұрғындары карантин режимін көбірек бұзған. 12-13 шілде аралығында жүргізілген рейд кезінде Атырау қаласында шектеу режимін бұзудың 81 дерегі тіркелген.

Ал, Жылыой ауданында – 37, Индер ауданында – 4, Исатай ауданында – 14, Қызылқоға ауданында – 7, Құрманғазы ауданында – 23, Махамбет ауданында - 9 дерек анықталып отыр.

«Атырау облысының бас мемлекеттік санитар дәрігерінің «үйге жеткізу» қағидатымен жұмыс істеуге ғана рұқсат берілсе де, 9​ мейрамхана мен дәмхана келушілерді жабық ғимарат ішінде тамақтандыруды жалғастырған. Сондай-ақ, 24 азық-түлік дүкенінің бекітілген жұмыс уақытынан тыс мезгілде саудамен айналысқаны белгілі болды. Бұған қоса топтанып жүрудің - 26, отбасылық шара өткізудің бір дерегі тіркелді. Карантин талаптарын сақтамау Жылыой аудаында да көп кездесті.​ Бұл ауданда той, садақа түрінде 5 отбасылық шара өткен. Индер ауданында - 4, Құрманғазы ауданында - 3 азық-түлік дүкені тыйым салынған уақыттан кейін де жұмыс істеген» деп хабарлады өңірлік коммуникациялар қызметі.

Сенбі, жексенбі күндері қозғалысқа толықтай тыйым салынғанына қарамастан, көшеде себепсіз жүрудің 30 дерегі тіркелген.

Карантин режимі тек Мақат ауданында ғана бұзылмаған.

Еске сала кетелік, Атырауда карантин күшейтілді.


Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT