Атырау облысында қар құрсауынан 1 жасар баласы бар ерлі-зайыпты құтқарылды
Облыстық төтенше жағдайлар департаментінің баспасөз қызметінен мәлім еткендей, кеше 13 қаңтарда Аққора елді мекеніне қатынайтын жолда жеңіл көлік қарға батып қалған.
«Бұл туралы хабар сағат 16:49-да түсті. Аудан орталығы – Миялы ауылынан 5 шақырым жерде жеңіл автокөлік қарға батып тұрған автокөлікте үш ажам бар. Рульде 36 жастағы ер адам, салонда оның 1990 жылғы әйелі мен 1 жасар баласы болған. Шақырту орнына №10 өрт сөндіру бөлімі мен жергілікті атқарушы орган қызметкерлері жедел жетіп, отбасы мүшелерін эвакуациялады. Жеңіл автокөлікті қардан шығарылып, Аққора ауылына жеткізілді. Отбасы мүшелері медициналық көмекке жүгінген жоқ», -деп хабарлады департаменттің баспасөз қызметі.
Авариялық-құтқару операциясына №10 өрт сөндіру бөлімінен 2 қызметкер мен 1 техника, жергілікті атқарушы органның 2 қызметкері жұмылдырылды.
Еске сала кетелік, бұдан бұрын Атырау облысында 66 жастағы ер адам жоғалып кеткенін хабарлаған болатынбыз.