Атырау облысында айыппұлы төленбеген 50-ге жуық көлік арнайы тұраққа қойылды

АТЫРАУ. ҚазАқпарат – Атырау облысында айыппұлын төлемеген 50-ге жуық жүргізушінің көлігі арнайы тұраққа қойылды. Көліктің 29-ы Ресей Федерациясында, 13-і Армения Республикасында тіркелген, деп хабарлайды ҚазАқпарат Атырау облыстық Полиция департаментінің баспасөз қызметіне сілтеме жасап.

Ұқсас жаңалықтар

Қазақстанда жаңа автокөлікті онлайн тіркеуге болады

Алматыда көлік қозғалысы бес есеге азайды Елордаға жасыл дәліз арқылы жүк көліктері қалай өтеді Семейде қоғамдық көліктер жаңа кестемен жүреді

«Облыс аумағында 8 - 16 ақпан аралығында «Борышкер» жедел- профилактикалық іс-шарасы өткізіледі. Шара кезінде камера көмегімен анықталған жол ережесін бұзу фактісі бойынша салынған әкімшілік айыппұлды өндіру, тиісті органдармен бірлесіп борышкерлерді анықтау , айыппұлды төлеу қажеттігі туралы рәсімделген нұсқаманы құқықбұзушыларға тікелей тапсыру жүзеге асырылады», делінген хабарламада.

Екі күні ішінде полиция 50-ге жуық айыппұлын төлемеген жүргізушіні анықтап, көліктерін айыппұл тұрағына жеткізді. Осының ішінде 20-ға жуық автокөлікті «Автоураган» көшпелі кешені анықтады. Сондай-ақ, айыппұлы бар жүргізушілерге оның төлеу қажеттілігі туралы рәсімделген 130 нұсқама тікелей тапсырылды.

ПД баспасөз қызметінің мәліметінше, шара барысында Жергілікті полиция қызметкерлері көлік иелеріне айыппұлды уақытылы төлеу қажеттігін, айыппұлды төлеу мерзімі өтіп кеткенде не істеу керектігін және төлеу тәсілдері туралы түсіндірген.