Атырау облысында атыс қаруын заңсыз сақтаған 42 жастағы тұрғын қамалды
2021 жылғы 14 маусым 16:23

Атырау облысында атыс қаруын заңсыз сақтаған 42 жастағы тұрғын қамалды

АТЫРАУ. ҚазАқпарат – Атырау облысында 42 жастағы жігіт атыс қаруын заңсыз сақтағаны үшін қамауға алынды, деп хабарлайды ҚазАқпарат.

Облыстық полиция департаменті баспасөз қызметінің мәліметінше, Құрманғазы ауданының тұрғыны үйінде қару-жарақты заңсыз сақтап келген.

«Бұл дерек «Қару» жедел-профилактикалық іс-шарасы кезінде расталды. 42 жастағы ер адам тұратын үйді тінту кезінде одан бір дана ойық қаруы, бір дана 5,6 мм калибрлі патрон табылып, тәркіленді. Тексеру кезінде аталған азаматтың бұрын сотталғаны анықталды» деп хабарлады департаменттің баспасөз қызметі.

Қазір күдіктіге қатысты ҚР Қылмыстық Кодексінің 287-бабының 3-бөлігімен тергеу амалдары жүргізіліп жатыр.

Заңсыз қару сақтаған ер адам уақытша ұстау изоляторына қамалды.

Еске сала кетелік, бұдан бұрын Атырау облысында заңсыз қару сақтаған 6 адам жауапкершілікке тартылғанын хабарлаған едік.


Автор:
Тілші

Jańalyqtar

MURAǴAT