Атырау облысында 8 мыңнан аса нысан Аshyq қосымшасына қосылған
Атырау облыстық санитариялық-эпидемиологиялық бақылау департаментінің бөлім басшысы Айсұлу Досқалиеваның айтуынша, Аshyq қосымшасын пайдалану коронавирус инфекциясының таралуын тежеуге ықпал етіп отыр.
«Бұдан бұрын Аshyq қосымшасына қосылудың нәтижесінде 253 адамның «қызыл» мәртебесі анықталған еді. Ал, сары мәртебесі бар 1 378 адам оқшауланды. Қазір 8 735 кәсіпкерлік нысаны Аshyq қосымшасымен жұмыс істейді. Осының нәтижесінде коронавирус инфекциясының таралуы азайып, Атырау облысы «жасыл» аймақта тұр. Өткен тәулікте өңірде қауіпті вирустың жұқтырудың 3 жағдайы тіркелді. Сovid-19 инфекциясынан 6 адам инфекциядан жазылып шықты. Тек 1 адам коронавирустан көз жұмды» -деп мәлім етті Айсұлу Досқалиева.
Еске сала кетелік, бұған дейін Атырау облысында 8 мыңға жуық адам ревакцинация жасағанын жазған едік.