13:00, 11 Мамыр 2021 | GMT +6
Атырау облысында 40 мыңға жуық адам вакцина салдырды
АТЫРАУ. ҚазАқпарат – Атырау облысында 40 мыңға жуық адам вакцина салдырды, деп хабарлайды ҚазАқпарат.
Облыстық денсаулық сақтау басқармасы баспасөз қызметінен мәлім еткендей, 3 күнде – 8, 9, 10 мамырда 1 690 адам коронавирус инфекциясына қарсы «Спутник V» және «Qazvac» вакциналарының І компонентін салдырған.
Атырау облысында 1 ақпан мен 10 мамыр аралығында коронавирусқа қарсы вакцинаның І компонентін салдырғандардың саны 39 878 адамға жетті.
«Ал, ІІ компонентті 14 116 адам алды» деп хабарлады басқарманың баспасөз қызметі.
Қазір өңірде вакцина салдыру үшін 36 стационарлық, 10 жылжымалы бекет ашылған.