Атырау облысында 4 750 бала «Pfizer» вакцинасын салдырған
Атырау облыстық денсаулық сақтау басқармасының басшысы Асхан Байдуәлиевтың айтуынша, коронавирус инфекциясына қарсы вакцина салдырған адамдардың саны – 365 760 адам. Осы кезге дейін вакциналардың І компонентін салдырған адамдардың саны 271 222 адам (74,1%) алған. Ал, II компонентін 258 796 (70,7%) ектірген.
«Атырау облысында ревакцинациялау тізіміне 215 766 адам енгізілді. Биылғы маусым айына дейін 77 611 (35,97%) адам ревакциналаудан өтті. «Pfizer» вакцинасын алатындардың тізіміне 65 086 адам бар. Қазір аталған вакцинаның I компоненті 15 393 адамға, ал, II компоненті 10 586 адамға егілді. Оның ішінде І компонентті салдырған 406 жүкті, 3 497 бала емізетін әйел, 4 750 бала, 4 504 өзге санаттағы адам бар. Бұл вакцинаның ІІ компонентін 370 жүкті, 3 226 бала емізіп отырған әйел, 4 086 бала, 2 098 өзге адамдар алды. Вакцинаның екі компонетін 3 042 ревакцинация мақсатында салдырды», -деп мәлім етті Асхан Байдуәлиев.
Оның айтуынша, «Pfizer» вакцинасын кез-келген адам тегін алуына болады. Ауруханаға жатқызылатын науқастардан ПТР-тест пен вакцина куәлігі сұратылады.
Еске сала кетелік, бұдан бұрын референдум күні Атырауда 33 нәресте өмірге келгенін https://kaz.inform.kz/news/referendum-kuni-atyrauda-33-nareste-omirge-keldi_a3941138 жазған болатынбыз.