+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Атырау облысында 36 сайлау учаскесінде дауыс беріліп жатыр

2021 жылғы 25 шілде 12:26
Бөлісіңіз:
Атырау облысында 36 сайлау учаскесінде дауыс беріліп жатыр

АТЫРАУ. ҚазАқпарат – Атырау облысында 18 ауылдың әкімі сайланады. Қазір 36 сайлау учаскесінде дауыс беру жүріп жатыр, деп хабарлайды ҚазАқпарат.

Ұқсас жаңалықтар
«Сары» аймақтағы Атырау облысында карантин қашан жеңілдемек Атырауда Жайық өзеніндегі су деңгейі неге төмендеді Атырау облысында жанармай тасымалдайтын көлік өртенді

Облыстық аумақтық сайлау комиссиясының төрағасы Азамат Айманакумовтың мәліметіне сүйенсек, 18 округ бойынша 52 үміткер сайлау бюллетеньіне енгізілген.

«Әкім сайлауына саяси партиялардан (NurOtan – 15, «Ауыл» ХДПП – 5, «АDAL» саяси партиясы – 2, ҚХП – 2) 24 үміткер ұсынылды. Өзін-өзі ұсынған үміткерлер – 28. Үш округте 2 (Атырау қаласынан Қайыршахты, Құрманғазы ауданынан Сафон, Теңіз аауылдық округтері), 1 округте (Махамбет ауданының Сарайшық ауылдық округі) 4, ал, 14 округте 3 үміткер тіркелді. Сайлау бюллетеньдері жалпы сайлаушылар санының бір пайызы артығымен дайындалып, сайлау округтеріне, учаскелерге жеткізілді» -дейді Азамат Айманакумов.

Оның айтуынша, сайлау басталғанға дейін сайлау бюллетеньдері жеткізілген ғимарат мөрленіп, ішкі істер органдарының күзетіне берілген. Барлық 36 сайлау учаскесіндегі дауыс беру пунктері Орталық сайлау комиссиясының қаулысымен бекітілген тиісті ережеге сәйкес жарақтандырылған.

«Атырау облысында сайлаушылар тізімінде 44 305 сайлаушы енгізілген. Сайлау 41 елді мекендегі 36 сайлау учаскесінде өтіп жатыр. Сайлау учаскелері құрылмаған 12 елді мекенде дауыс беруді ұйымдастыру мәселесі шешілді. Ең шалғайдағы сайлау учаскелері Құрманғазы ауданының аудан орталығынан 180 шақырым қашықта Асан ауылдық округінде орналасқан» -дейді Азамат Айманакумов.

Еске сала кетелік, бұған дейін Атырау облысында әкім сайлауында 52 үміткер бақ сынайтынын хабарлаған болатынбыз.


Біздің каналымызға жазылыңыз:

Бөлісіңіз:

Автор:

Бек Мұстафа

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT