Атырау облысында 220 мыңға жуық адам вакцинаның екі компонентін алды

АТЫРАУ. ҚазАқпарат – Атырау облысында Covid-19 инфекциясына қарсы вакцинаның толық компонентін 220 мыңға жуық адам алды, деп хабарлайды ҚазАқпарат.

Облыстық денсаулық сақтау басқармасының баспасөз қызметінен мәлім еткендей, өткен тәулік – 7 қарашада вакцинаның І компонентін 162 атыраулық тұрғын салдырған.

«Атырау облысында биылғы 1 ақпаннан 7 қарашаға дейін коронавирус инфекциясына қарсы вакцинаның I компонентін 242 618 адам ектірді. Вакцинаның II компонентін 219 724 жергілікті тұрғын алды. Бұл - өңірдегі вакцина алушылар тізіміне енгізілген тұрғындардың үштен бірін құрап отыр», -деп мәлім етті басқарманың баспасөз қызметінен.

Еске сала кетелік, бұдан бұрын Атырау облысында вакцинаның І компонентін салдырғандар саны 241 мыңнан асқанын хабарлаған едік.