Атырау облысында 11 жастағы қыз суға батып кетті
2022 жылғы 14 тамыз 10:52

Атырау облысында 11 жастағы қыз суға батып кетті

АТЫРАУ. ҚазАқпарат – Атырау облысында 2011 жылы туған қыз суға батып кетті, деп хабарлайды ҚазАқпарат.

Атырау облыстық Төтенше жағдайлар департаменті қызметінің хабарлауынша, ол рұқсат етілмеген жерде суға түскен.

Оқиға 13 тамыз күні сағат 13:50 кезінде болған. Атырау облысының Құрманғазы ауданындағы Хиуаз ауылының маңында 2011 жылы туған қыз Шароновка өзеніне батып кеткен. Оны сағат 15:40-тан бастап 25 адам іздеген. Сағат 23:00-де іздеу жұмыстары таңға дейін тоқтатылды.

14 тамызда сағат 8:45-те жергілікті тұрғындар қыздың денесін тауып алып, судан шығарған.

Бұған дейін бірнеше күн бұрын аймақта ер адамның батып кеткені туралы хабарланған болатын. Ол Жайық өзенінде белгіленбеген жерде шомылған.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT