Атырау облыстық сотының төрағасы тағайындалды
2020 жылғы 22 сәуір 19:13

Атырау облыстық сотының төрағасы тағайындалды

АТЫРАУ. ҚазАқпарат – Атырау облыстық сотының төрағасы қызметіне Бауыржан Жұмағұлов тағайындалды, деп хабарлайды ҚазАқпарат.

«Президенттің 2020 жылғы 13 сәуірдегі жарлығымен Бауыржан Жұмағұлов Атырау облыстық сотының төрағасы лауазымына тағайындалды» - деп хабарлады облыстық соттың баспасөз қызметі.

Бауыржан Тұрсынұлы 1961 жылы Алматы облысында дүниеге келген. Мамандығы - құқықтанушы, заңгер. Әр жылдары Алматы қаласының прокуратурасында, Ақмола облысының әділет басқармасында қызмет атқарған.

1999-2002 жылдары Астана қаласының соты, 2002-2006 жылдары Атырау қаласының мамандандырылған ауданаралық экономикалық сотының төрағасы болған.

2011-2012 жылдары ҚР Жоғарғы Сотының аппаратында, 2012 жылдан бастап бүгінгі күнге дейін ҚР Жоғарғы сатотында жұмыс істеді.


Автор:
Тілші

Jańalyqtar

MURAǴAT