Атырау облыстық құрылыс басқармасына жаңа басшы тағайындалды

НҰР-СҰЛТАН. ҚазАқпарат - Атырау облысының әкімі Махамбет Досмұхамбетовтің өкімімен Атырау облыстық құрылыс басқармасының жаңа басшысы тағайындалды, деп хабарлайды облыстық әкімдіктің баспасөз қызметі.

Облыстық құрылыс басқармасының басшысы болып Басаров Тимур Кенжебайұлы тағайындалды.
Тимур Басарұлы 1979 жылы туған.

1994 жылы Орал құрылыстық техникумын бітірген.
Батыс Қазақстан инженерлік-гуманитарлық университетін «құрылыс бакалавры» мамандығы бойынша тәмамдаған. Сондай-ақ, «экономика және бизнес» магистрі дәрежесін алған.
Еңбек жолын 1998 жылы Орал қаласындағы өндірістік кооперативінде құрылыс шебері, құрылыс жөніндегі инженер лауазымынан бастаған.
2004 жылы Батыс Қазақстан облысы бойынша «Өрт сөндіру және апаттық құтқару қызметінде» жұмыс істеген.
2008-2016 жылдары бас маманнан Батыс Қазақстан облысы әкімдігі құрылыс басқармасы басшысының орынбасарына дейін түрлі лауазымдарда қызмет еткен.
Соңғы жұмыс істеген орны - Атырау қаласы әкімдігі құрылыс бөлімінің басшысы лауазымы.