Атырау мұнай өңдеу зауытында жоспарлы жөндеу жүргізіледі
2022 жылғы 18 тамыз 12:10

Атырау мұнай өңдеу зауытында жоспарлы жөндеу жүргізіледі

НҰР-СҰЛТАН. ҚазАқпарат – Атыраудағы мұнай өңдеу зауытында жоспарлы жөндеу жұмыстары жүреді, бұл кезде нысан толығымен тоқтатылмайды, деп хабарлайды ҚазАқпарат энергетика министрлігіне сілтеме жасап.

«Қыркүйек-қазан айларында өнеркәсіптік қауіпсіздік талаптарына және жабдықтар мен құбырларды, электр жабдықтарын, технологиялық процестерді басқарудың автоматтандырылған жүйесін (ТПБАЖ) және бақылау-өлшеу аспаптарын (БӨА) куәландыруға байланысты Атырау МӨЗ-де жоспарлы алдын ала жөндеу жүргізілетін болады.

АМӨЗ-дің артықшылығы – мұнайды қайта өңдеудің екі ағынды схемасы, яғни объектілер кезекпен тоқтап, іске қосылады. Зауыттың 50-70% қуаты жұмысын жалғастырады, объектілер толық тоқтатылмайды», - делінген ведомствоның ақпараттық хабарламасында.


Фото: m.azh.kz



Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT