Атырау қаласына жаңа әкім тағайындалды

АТЫРАУ. ҚазАқпарат – Атырау қаласының жаңа әкімі тағайындалды, деп хабарлайды ҚазАқпарат.

Президент Әкімшілігінің келісіміне сәйкес облыс әкімі Махамбет Досмұхамбетовтің өкімімен Атырау қаласының әкімі лауазымын Мейірім Қалауи атқаратын болды.

Мейірім Жоламанұлы 1985 жылы Атырау облысының Қызылқоға ауданында дүниеге келген. 2006 жылы Х.Досмұхамедов атындағы Атырау мемлекеттік университетін «Мемлекеттік және жергілікті басқару» мамандығымен, 2010 жылы РФ Президенті

жанындағы мемлекеттік қызмет академиясын бітірген. Экономика ғылымдарының магистрі.

Еңбек жолын 2006-2007 жылдары «Атырау-Ақпарат» коммуналдық мемлекеттік кәсіпорнында бастаған. 2010-2011 жылдары «Тұран» ЖШС-нің директоры, «Қазақстан»

РТРК Атырау облыстық филиалы директорының орынбасары – бас редактор болып жұмыс істеген.

2011-2012 жылдары «Атырау-Ақпарат» КМК төрағасы, 2012-2016 жылдары облыстық жастар саясаты басқармасының басшысы, 2016-2019 жылдары облыс әкімі аппарат

басшысының орынбасары, Атырау қаласы әкімінің орынбасары лауазымын атқарған.

2019-2021 жылдары Индер ауданының әкімі, 2021-2022 жылдары «Nur Otan» партиясы Атырау облыстық филиалы төрағасының бірінші орынбасары болған.

Еске сала кетелік, бұдан бұрын Атырау қаласының әкімі қызметінен босатылғанын

хабарлаған

едік.