+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Атырау халқы дәрі-дәрмек бағасына шағымданғаннан кейін 50 дәріхана тексерілді

2020 жылғы 16 шілде 18:15
Бөлісіңіз:
Атырау халқы дәрі-дәрмек бағасына шағымданғаннан кейін 50 дәріхана тексерілді

АТЫРАУ. ҚазАқпарат – Атырау облысының бас мемлекеттік санитар дәрігері Сәдуақас Байғабылов дәріханада алыпсатарлыққа жол бермеу және дәрі-дәрмектің шекті бағасын сақтауға байланысты жүргізілген мониторинг нәтижесін айтты, деп хабарлайды ҚазАқпарат.

Ұқсас жаңалықтар
1 млн науқасты қамтамасыз ететін дәрі-дәрмек сатып алынған СК-Фармация COVID-19-ды емдейтін дәрі-дәрмектің 91 түрін сатып алған Қостанай облысына дәрі-дәрмектің кезекті партиясы жеткізілді

Сәдуақас Байғабыловтың мәлім етуінше, Атырау қаласының тұрғындары әлеуметтік желіде дәріханалардағы дәрі-дәрмек бағасының көтерілгенін айтып шағымданған. Осыған орай, мобильді топтар Атырау облысының 50 дәріханасына тексеру жүргізген.

«Тексеру барысында дәріханаларда дәрі-дәрмек бағасының көтерілгені анықталды. Мәселен, «Новиган Нео № 20» препараты - 600-800 теңгеден (шекті бағасы - 583 теңге), «Аспирин Кардио 100 мг № 28» - 1500 теңгеден (шекті бағасы - 1271 теңге), «Кардиомагнил 75 мг № 100» - 1900 теңгеден (шекті бағасы - 1802 теңге) сатылған. Қазір облыстық тауарлар мен қызметтердің сапасы мен қауіпсіздігін бақылау департаментінің мамандарымен аталған фактілер бойынша 9 әкімшілік іс қаралып жатыр. Шағын және орта кәсіпкерлік нысандарына ҚР Әкімшілік құқық бұзу кодексінің 426-бабымен 130-дан 1000-ға дейінгі айлық есептік көрсеткіш көлемінде айыппұл салынады», - деді Атырау облысының бас мемлекеттік санитар дәрігері Сәдуақас Байғабылов.

Сондай-ақ, «Ортодонт» ЖШС дәріханасынан 10 түрлі тіркелмеген дәрі-дәрмек табылған. Ал, «Вердант» косметологиялық кабинетінде фармацевтикалық лицензиялық құжатсыз әрі заңсыз кәсіпкерлікпен айналысу дерегі тіркелген. Мұнда 116 түрлі тіркелмеген дәрі сатылған. Оның ішінде «Клексан», «Дексаметазон», «Азитромицин» секілді тапшы дәрі-дәрмектер болған.

Қазір екі дерек бойынша экономикалық тергеу департаменті тергеу жүргізіп жатыр.

Еске сала кетелік, бұдан бұрын Атырау облысының екі тұрғыны үйлерін дәріханаға айналдырғанын хабарлап едік.


Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Үмбет Шолпан
Үмбет Шолпан
954-059

MURAǴAT