«Атырау-Ақпарат» медиасеріктестігіне жаңа директор тағайындалды
2022 жылғы 16 мамыр 20:53

«Атырау-Ақпарат» медиасеріктестігіне жаңа директор тағайындалды

АТЫРАУ. ҚазАқпарат – Жасын Біркенов «Атырау-Ақпарат» медиасеріктестігіне басшы болып тағайындалды, деп хабарлайды ҚазАқпарат.

«Атырау-Ақпарат» ЖШС ұжымына жаңа директорды облыстық ішкі саясат басқармасының басшысы Қанат Әзмұханов таныстырды.

Жасын Біркенов – Солтүстік Қазақстан облысының тумасы. 1989 жылы 30 сәуірде дүниеге келген.

Еңбек жолын 2006 жылы бастаған. Әр жылдары МТРК (Петропавл), «Қазақстан-Петропавл», сондай-ақ, «Қазақстан» және «7 канал» телеарналарында жұмыс істеген.

Ал, 2015 жылдан жұмысын «24.kz» телеарнасында жалғастырған.

2015-2016 жылдары - «Хабар 24» телеарнасының Украина Республикасындағы, 2019-2021 жылдары - Өзбекстан Республикасындағы меншікті тілшісі қызметін атқарған.

Өңірдегі ірі медиасеріктестік – «Атырау-Ақпарат» ЖШС 2001 жылы құрылған.

Медисеріктестіктің құрамында екі облыстық, жеті аудандық газет, 11 ақпараттық сайт пен баспахана бар.

Қазір бұл медиасеріктестікте дәстүрлі журналистикамен бірге интернетмедиа да дамып келеді.

Еске сала кетелік, бұдан бұрын «Атырау-Ақпарат» медиасеріктестігін басқарған Ысқақ Егембердиев «Айқын-Литер» ЖШС директоры болып тағайындалған еді.


Ұқсас жаңалықтар
Автор:
Тілші

Jańalyqtar

MURAǴAT