+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

«Атамекен» ҰКП ауылдық жерлерді қаржыландыру тетігін түсіндірді

2021 жылғы 16 тамыз 18:07
Бөлісіңіз:
«Атамекен» ҰКП ауылдық жерлерді қаржыландыру тетігін түсіндірді

НҰР-СҰЛТАН. ҚазАқпарат – «Атамекен» ұлттық кәсіпкерлер палатасы басқарма төрағасының бірінші орынбасары Нариман Әбілшайықов ел аумағында кәсіпкерлік негіздеріне оқыту барысы жайында баяндады, деп хабарлайды ҚазАқпарат тілшісі.

«2017-2020 жылдары «Бастау Бизнес» жобасы бойынша 151 528 жұмыссыз және өзін-өзі жұмыспен қамтығандар кәсіпкерлік негіздеріне оқытылды. Оқытылғандардың қатарынан 40 мыңнан астам жоба іске қосылды. 4 жыл ішінде олар ел аумағында 60 мыңнан астам жұмыс орнын ашты», - деді Н. Әбілшайықов Орталық коммуникациялар қызметінде.

Оның айтуынша, биыл «Бастау Бизнес» жобасы бойынша 30 мыңнан астам адамды оқуты жоспарланған. 2021 жылы «Жұмыспен қамтудың 2020-2021 жылдарға арналған жол картасы» бағдарламасы аясында «Бастау Бизнес» қатысушыларының жобаларын қаржыландыру үшін 22,5 млрд теңге бөлінді.

Өз кезегінде «Атамекен» ҰКП-ның Микроқаржыландыру және жобаларды сүйемелдеу департаменті директорының орынбасары Ринат Кемешов «Атамекен» микроқаржылық ұйымдарды ел аумағында ашқанын еске салды. Биылғы 15 шілдеден бастап микроқаржыландыруға өтінімдер қабылдау басталды. Өңірлерде жаңадан бастаған кәсіпкерлерден жалпы сомасы 3,5 млрд теңгеге 600-ден астам өтінім қабылданды.

«Ауылдық жерлерде 7 млн теңгеге дейін несие бере аламыз. Қалалық аумақтарда 18 млн теңгеге дейін, сондай-ақ Шымкент, Ақтау, Атырау қалаларында 23 млн теңгеге дейін несиені қарастырып отырмыз. Оның шарттарына тоқталсақ, 6 пайыздық жылдық мөлшерлеме ескерілген. Микрокредит мерзімі – 5 жылға дейін, ал мал шаруашылығы саласындағы жобалар үшін микронесие мерзімі 7 жылға дейін қарастырылған. Бұл жұмыс өте жауапкершілікті талап етеді: біз білгір мамандар командасын құрдық, озық тәжірибені қабылдадық, оның ішінде адами факторды барынша жоюға тырыстық», - деді ол.


Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT