USD 435.1 EUR 493.27
RUB 5.69 CNY 68.63
Jańalyqtar

Атақты футболшы Тимур Сегізбаев қайтыс болды

2017 жылғы 16 желтоқсан 00:24
Бөлісіңіз:
Атақты футболшы Тимур Сегізбаев қайтыс болды

АЛМАТЫ. ҚазАқпарат - «Қайрат» командасының ардагері, Қазақстан футболының аңыз тұлғасы Тимур Санжарұлы Сегізбаев 77 жасқа қараған шағында қайтыс болды, деп хабарлайды ҚазАқпарат тілшісі.

Қаралы хабар футбол клубының Инстаграмдағы парақшасында жарияланды.

«Алматылық Қайрат командасының академияларының біріне Тимур Сегізбаевтың аты берілгенін барлығымыз білеміз. «Қайрат» клубы аты аңызға айналған футболшының отбасына қайғысына ортақтасып, көңіл айтады. Тимур Сегізбаев біздің жүрегімізде мәңгілікке сақталады», - деді парақшасында.

Т.Сегізбаев «Қайрат» құрамында 12 маусымды өткізген. 200 астам матч ойнаған.

1964 жылы Кеңес одағы чемпионатында мәскеулік Спартаның қақпасына екі рет гол салып, көпшіліктің есінде қалды.

КСРО спорт шебері, Қазақ КСР еңбегі сіңген жаттықтырушысы, ҚР Олимпиада Ұлттық комитеті Ордені иегері Тимур Сегізбаев 1973, 1986 жылдары «Қайрат» командасының жаттықтырушысы болған.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT