+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Атақты дизайнер Пьер Карден өмірден озды

2020 жылғы 29 желтоқсан 19:43
Бөлісіңіз:
Атақты дизайнер Пьер Карден өмірден озды

ПАРИЖ. ҚазАқпарат – Тегі италиялық француз дизайнері Пьер Карден 98 жасында өмірден озды, деп хабарлайды ҚазАқпарат BBC агенттігіне сілтеме жасап.

Париждің маңында қайтыс болған Карден сән әлемінің революционерлерінің бірі ретінде танылған еді. Сондай-ақ оның «көпіршік көйлегі» сонау 1954 жылдың өзінде тарихта қалған болатын.

Ол сонымен қатар сән бизнесінің ізашары болды: бірқатар өнімдерге өз атын беріп, олардан бренд жасап шықты.

Le Monde газетінің жазуынша, Карден 1922 жылы 2 шілдеде Италияның Тревизо қаласына жақын Сан-Бьадио-ди-Каллальтада дүниеге келген.

Ол Францияда тігіншінің шәкірті болып жұмыс істеп жүріп білім алған.

1940 жылдары Пьер Карден «Christian Dior» компаниясының киім тігу ательесін басқарады, ал 1950 жылы өзінің сән үйін ашады.

Ол өз ісінің үздігі еді – «көпіршікті көйлектерді» ойлап тапты, «прет-а-порте» тұжырымдамасын құрды, бірінші болып ерлер коллекциясын ұсынды және «унисекс» стилінің негізін қалады.

Карден Францияда және шетелде бірқатар беделді марапаттарға ие болды, соның ішінде Құрметті легион ордені, Өнер және әдебиет ордені, Италияның «Ерен еңбегі үшін» ордендері бар.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT