+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Асыраушысынан айырылған адамдарға берілетін әлеуметтік төлем 30 пайызға артады

2019 жылғы 30 қаңтар 15:45
Бөлісіңіз:
Асыраушысынан айырылған адамдарға берілетін әлеуметтік төлем 30 пайызға артады

АСТАНА. ҚазАқпарат - Мемлекет басшысы Нұрсұлтан Назарбаев еліміздегі еңбек жарамдылығын жоғалтқан, асыраушысынан айырылған адамдарға берілетін орташа әлеуметтік төлемнің мөлшерін 30 пайызға көбейтуді тапсырды, деп хабарлайды ҚазАқпарат тілшісі.

«Өткен жылы біз әлеуметтік қолдаудың ауқымын айтарлықтай арттыра білдік. Үкіметке 2020 жылдың 1 қаңтарынан бастап еңбекке жарамдылық қабілетін жоғалтқан, асыраушысынан айырылған адамдарға берілетін орташа әлеуметтік төлемнің мөлшерін МӘСҚ есебінен 30 пайызға дейін арттыруды тапсырамын. Мәдина (Әбілқасымова - авт.), бұл жұмысты жүргізуге бола ма?», - деді Үкіметтің кеңейтілген отырысында Елбасы Еңбек және халықты әлеуметтік қорғау министріне.

Өз кезегінде Мәдина Әбілқасымова бұл бағытта заң жобасы әзірленгенін, наурыз айында Парламентке енгізуге дайын екенін айтты.

«Сонымен бірге, мүгедектердің құқығын қорғау сапасын арттырудың ұлттық жоспары да бар емес пе?!», - деді Президент.

Еңбек және халықты әлеуметтік қорғау министрі аталмыш ұлттық жоспар Қазақстанда тұңғыш рет кешенді интеграциялық жоспар ретінде жасалып жатқанын жеткізді.

«Ол мүгедектігі бар адамдардың құқығын қорғау, инклюзивті білім беру, жұмысқа орналастыру, кедергісіз орта, әлеуметтік қызметтердің сапасын арттыру салаларын қамтиды», - деді министр.

Еске сала кетсек, Үкімет үйінде ҚР Президенті Нұрсұлтан Назарбаевтың төрағалығымен Үкіметтің кеңейтілген құрамдағы отырысы өтіп өтті.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT