Астананың сол жағалауында мейрамхана өртенді

НҰР-СҰЛТАН. ҚазАқпарат – Елорданың Төтенше жағдайлар департаменті «Мельница» мейрамханасындағы өрт туралы ақпарат таратты, деп хабарлайды ҚазАқпарат.

«6 тамыз күні сағат 15:09-да «101» пультіне Тұран даңғылындағы 31-ғимаратта орналасқан «Мельница» мейрамханасы өртенгені туралы хабар келіп түсті. Оқиға орнында Нұр-Сұлтан қаласының ТЖ департаментінің өрт бөлімшелері бағытталды. Сағат 15:12-де «Мельница» мейрамханасына жапсарлас салынған ғимараттың шатыры өртенгені анықталды», - деп хабарлады қалалық ТЖ департаментінің баспасөз қызметі.

Депаратменттің мәліметіне сәйкес, қазіргі уақытта өртті сөндіруге 30 өрт сөндіруші мен 6 техника жіберілген.

Өрт сөндірушілер келгенше мейрамхана ішіндегі адамдар эвакуацияланған.

Қосымша ақпарат тағы хабарланады.