+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Астаналық спортшы армрестлингтен екі дүркін әлем чемпионы атанды

2018 жылғы 23 қазан 14:56
Бөлісіңіз:
Астаналық спортшы армрестлингтен екі дүркін әлем чемпионы атанды

АСТАНА. ҚазАқпарат - Түркияда армрестлингтен өткен Әлем чемпионатында астаналық Еркін Әлімжанов екі алтын жеңіп алып, екі дүркін әлем чемпионы атанды, деп хабарлайды ҚазАқпарат.

Астана қаласы мәдениет және спорт басқармасының мәліметінше, «Жігер» спорт клубының тәрбиеленушісі халықаралық додада ардагерлер арасында 75 кг салмақ санатында өнер көрсетіп, оң және сол қолмен күш сынасуда бірінші орын алды.

Армрестлингтен Әлем чемпионатында Қазақстан құрамасының сапында Астанадан «Толағай» спорт мектебінің спортшылары да өнер көрсетті. Олар қазақстандық команданың қоржынына төрт жүлде салды - 2 алтын, бір күміс және бір қола. ҚР еңбек сіңірген спорт шебері Георгий Дзеранов 100 кг салмақ санатында сол қолмен күресте бірінші орын алды. ҚР халықаралық санаттағы спорт шебері Әлімжан Мұратов 80 кг салмақ санатында сол қолмен күресте бірінші орын, оң қолмен күресте екінші орын алды.

null ҚР Спорт шебері Арман Рахманқұлов 85 кг салмақ санатында оң қолмен күресте қола жүлдені қанағат тұтты.

Армрестлингтен Әлем чемпионаты Түркияның Анталья қаласында 12-21 қазанда өтті. Жарыста әлемнің 40-тан астам мемлекетінен 1300 тарта спортшы бәсекеге түсті.

Турнирде ең үздік нәтиже көрсеткен Қазақстан құрамасы жастар арасында жалпыкомандалық есепте бірінші және ересектер арасында екінші орын алды.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT